မေ ၁၅၊ ရက်​နေ့(မ​နေ့) က အာဏာသိမ်းစစ်တပ်က လက်နက်၊ လူသူအင်အား အလုံးအရင်းနဲ့ ချင်းပြည်နယ်၊ မင်းတပ်မြို့ကို ဝင်​ရောက်စီးနင်းတိုက်ခိုက်ခဲ့ပါတယ်။ သာလွန်အင်အားသုံးပြီး တိုက်ခိုက်ခံရမှု​​ကြောင့် အပြစ်မဲ့ ပြည်သူများ ​သေ​ကြေ၊ အ​ဆောက်အဦးများ ပျက်ဆီးခဲ့သလို မင်းတပ်ကာကွယ်​ရေးတပ်(CDF) အ​နေနဲ့ ​ခွာစစ်ဆင်ခဲ့ရပါတယ်။

မ​ရှေးမ​နှောင်းမှာပဲ မင်းတပ်မြို့ရဲ့ လက်ရှိအ​ခြေအ​နေပါဆိုပြီး မီး​လောင်ပျက်ဆီး​နေတဲ့ ဘာသာ​ရေးအ​ဆောက်အဦး​တွေ၊ လူ​နေအိမ်​တွေရဲ့ ပုံ​တွေပျံ့နှံ့လာခဲ့ပါတယ်။

ဒီသတင်းဓါတ်ပုံ​တွေနဲ့ ပတ်သက်လို့ ​တွေးပြီးမှယုံက​နေ အချက်အလက်စစ်​ဆေးခဲ့ရာမှာ​တော့ သတင်းဓါတ်ပုံအလွဲ​တွေကို အသုံးပြုထားတာကို ​တွေ့ရှိခဲ့ရပါတယ်။

မင်းတပ်မြို့ရဲ့ လက်ရှိအ​ခြေအ​နေဆိုပြီး ဖြန့်​ဝေထားခဲ့တဲ့ ယင်းသတင်းဓါတ်ပုံ​တွေဟာ အမှန်တကယ်မှာ​တော့ ၂၀၁၃ ခုနှစ်တွင်းက မိတ္ထီလာမြို့မှာ ဖြစ်ခဲ့တဲ့ ဘာသာ​ရေးပဋိပက္ခတွင်းက ပုံ​တွေကို အချိန်ကိုက် ပြန်လည်အသုံးပြုထားတာဖြစ်ပါတယ်။ Routers ကတင်ထားတဲ့ သတင်းဓါတ်ပုံကို ဒီမှာ ဝင်ကြည့်လို့ရပါတယ်။

ဒီလို သတင်းဓါတ်ပုံ အလွဲ​တွေနဲ့ သတင်းအမှားဖြန့်မှု​တွေ၊ ပြီးခဲ့တဲ့ ဖြစ်စဥ်က သတင်း​တွေကို ရက်စွဲ​တွေ ပြန်​ပြောင်းပြီး အခုပဲ ဖြစ်​နေသ​ယောင် ပြန်လည်အသုံးပြု​ဖြန့်​ဝေတာ​တွေဟာ မကြာခဏ ပျံ့နှံ့လာ​လေ့ရှိပါတယ်။

စာဖတ်သူ​တွေအ​နေနဲ့ ဒီလိုသတင်းဓါတ်ပုံ​တွေ့လို့ မသက်ာခဲ့ရင် Google Image Search လိုမျိုး ​နေရာ​တွေမှာ လွယ်လင့်တကူစစ်​ဆေးနိုင်ပါတယ်။ ဒါမှမဟုတ်လည်း ဒီလိုသတင်း​တွေ ဖြန့်​ဝေခဲ့တဲ့ Facebook Account ပိုင်ရှင်ကို ဒီသတင်းရဲ့ ရင်းမြစ်နဲ့ ပတ်သက်လို့ ​မေးမြန်းနိုင်ပါတယ်။ စစ်​ဆေးဖို့ တစုံတရာ အခက်အခဲရှိမယ်ဆိုရင်လည်း ​တွေးပြီးမှယုံရဲ့ Chat box မှာ လာ​ရောက်​မေးမြန်းနိုင်​ကြောင်း ဖိတ်​ခေါ်ပါတယ်​နော်။