Home>>သတင်းအတုစစ်ဆေးခြင်း>>ဘာသာရေး>>ရန်ကုန်တိုင်း ဒလမြို့နယ်က ဗလီထဲမှာ သိုဝှက်ထားတဲ့ လက်လုပ်မိုင်း​တွေပေါက်ကွဲမီးလောင်တယ်ဆိုတာ မဟုတ်မှန်
ဘာသာရေး

ရန်ကုန်တိုင်း ဒလမြို့နယ်က ဗလီထဲမှာ သိုဝှက်ထားတဲ့ လက်လုပ်မိုင်း​တွေပေါက်ကွဲမီးလောင်တယ်ဆိုတာ မဟုတ်မှန်

ဇွန်၉ရက်နေ့ညက ရန်ကုန်တိုင်း ဒလမြို့နယ်ထဲက အစ္စလာမ်ဘာသာ​ရေးစာသင်ကျောင်းတခု မီးလောင်ကျွမ်းခဲ့ပါတယ်။ ဒီသတင်းတက်လာပြီးချိန် မရှေးမနှောင်းမှာပဲ ဒလက ကမာကသွယ် ဗလီထဲမှာ သိုဝှက်ထားသော လက်လုပ်မှိုင်းများ ပေါက်ကွဲမီးလောင်ဆိုတဲ့သတင်း ပျံ့နှံ့လာပါတယ်။ ဒီသတင်းကို Ven Thue Nan Da အမည်ရှိတဲ့ အ​ကောင့်တစ်ခုက Shwe Ko Taw (ငါန်းဇွန်) ကို Crd ပေးပြီး တင်ထားခဲ့ပါတယ်။ အဆိုပါ ပိုစ့်ဟာ share 170 ကျော်ရှိနေပြီး ပြန်လည်ကူးယူတင်ပြသူတွေ ရဲ့ ပိုစ့်တွေဟာလဲ share 490 ကျော်ရှိနေခဲ့ပြီပဲ ဖြစ်ပါတယ်။

ဒီသတင်းနဲ့ ပတ်သက်လို့ တွေးပြီးမှယုံရဲ့ အချက်အလက် စစ်ဆေးချက်တွေအရ ဇွန်လ (၉) ရက်နေ့ ည၁၁နာရီ ဝန်းကျင်မှာ ဒလမြို့နယ် ကမာကသွယ်ရပ်ကွက်မှာရှိတဲ့ ဗလီစာသင်ကျောင်းတခုဖြစ်တဲ့ ဟာဖိဇ်ဗလီမီးလောင်ကျွမ်းမှုဖြစ်ပွါးခဲ့ကြောင်း လွတ်လပ်တဲ့ သတင်းမီဒီယာတွေကသတင်း တင်ဆက်ထားခဲ့ပါတယ်။

မီး​​လောင်မှုနဲ့ ပတ်သက်လို့ ​ခေတ်သစ်မီဒီယာက​နေ ​ဗလီဝန်းကျင်မှာ ​နေထိုင်သူ​တွေကို ​မေးမြန်းခဲ့ရာမှာ​တော့ “မီး​လောင်ချိန်ဟာ ည ၁၁ နာရီ​ကျော်ဖြစ်ပြီး ကာဖျူးထုတ်ထားတဲ့အချိန်ဖြစ်တယ်။ ဒီအချိန်ဟာ ဘယ်သူမှ အပြင်မထွက်ပဲ အရပ်ဝတ်​တွေနဲ့ စစ်သား​တွေ လှည့်ပတ်​နေ​တာ​တွေ၊ စစ်ကား​တွေနဲ့ လှည့်ပတ်​နေတာသာ ရှိ​နေတဲ့ကြားက​နေ မီးထ​လောင်တာပါ။ ​ကျောင်း​တော်မှာလည်း ​လောင်စရာ ​လောင်စာနဲ့ ပတ်သက်လို့ ဘာမှမရှိပါဘူး။ ဆို​တော့ဒီမီး​လောင်မှုဟာ ဘာသာ​ရေးပဋိပက္ခဖြစ်​အောင် လုပ်​နေတယ်လို့ သုံးသပ်တယ်” လို့ ​ဖြေဆိုထားပါတယ်။

ဒါအပြင် တခြားလွတ်လပ်တဲ့ သတင်းမီဒီယာ​တွေမှာလည်း လက်လုပ်မိုင်း​တွေပေါက်ကွဲမီးလောင်တယ်ဆိုတာမျိုး ဖော်ပြထားတာမျိုး မရှိပါဘူး။

သတင်းတုဖန်တီးသူတွေဟာ အချိန်ကာလပေါ်မူတည်ပြီး သတင်းတုကို လုပ်ကြံဖန်တီးကြလေ့ရှိပါတယ်။ ဒီဖြစ်စဥ်နဲ့ ပတ်သက်ပြီး ​အ​ကောင့်တချို့ကလည်း လူမျိုး​ရေး ဘာသာ​ရေး​​တွေနဲ့ နှီးနွယ်​နေတဲ့ အမုန်းစကား​တွေကိုပါ ထည့်သွင်းပြီး သတင်းမှား​တွေ ဖြန့်​ဝေလာတာကို ​တွေ့ရှိခဲ့ရပါတယ်။

ဒီလို ပဋိပက္ခ​တွေကို ဦးတည်​စေ​နေတဲ့ သတင်းတု​တွေဟာ အခုလို နိုင်ငံ​ရေးပြသနာ​တွေ ရှုပ်​​ထွေး​နေချိန်မှာ ပိုမိုဖန်တီးတတ်ကြပါတယ်။ ဒါ့ကြောင့် အခုလို သတင်း​တွေနဲ့ ပတ်သက်ရင် အထူးသတိထားကြဖို့ လိုအပ်သလို လွတ်လပ်တဲ့ သတင်းမီဒီယာတွေကဖြန့်​ဝေထားတဲ့ သတင်း​တွေကိုသာ စောင့်ကြည့် ဖတ်ရှုကြဖို့ တိုက်တွန်းလိုပါတယ်။ သတင်းစစ်ဆေးဖို့ အခက်အခဲရှိရင်လဲ တွေးပြီးမှယုံရဲ့ chat box မှာ လာရောက်မေးမြန်းနိုင်ပါတယ်နော်။

%d bloggers like this: