Home>>သတင်းအတုစစ်ဆေးခြင်း>>နိုင်ငံရေး>>ဒီကနေ့ ဇွန် ၁၄ ရက်နေ့ ​မော်လမြိုင်မှာ မိစ္ဆာပါတီ NLD ဆိုတဲ့ ​ကြွေး​ကြော်သံ​တွေနဲ့ ဆန္ဒပြခဲ့ကြတယ်ဆိုတဲ့ သတင်းတု
နိုင်ငံရေး

ဒီကနေ့ ဇွန် ၁၄ ရက်နေ့ ​မော်လမြိုင်မှာ မိစ္ဆာပါတီ NLD ဆိုတဲ့ ​ကြွေး​ကြော်သံ​တွေနဲ့ ဆန္ဒပြခဲ့ကြတယ်ဆိုတဲ့ သတင်းတု

ဒီသတင်းကို ဇွန်၊ ၁၄ရက်​နေ့(ယ​နေ့) Myanmarlocalnews-media ဆိုတဲ့ သတင်းမီဒီယာနာမည်ခံ Facebook page က စတင်ဖြန့်​ဝေထားခဲ့ပါတယ်။ သတင်းထဲမှာဆိုရင် “နိုင်ငံ​တော်တည်ငြိမ်​အေးချမ်း​ရေးကို ​နှောက်ယှက်ဖျက်ဆီး​နေတဲ့ CRPH, NUG နဲ့ PDF အကြမ်းဖက်​သောင်းကျန်သူများအား ဆန့်ကျင်ရှုံ့ချပွဲကို မွန်ပြည်နယ်၊ ​မော်လမြိုင်မြို့နယ်မှာ ဒီ​နေ့၊ ဇွန်၊ ၁၄ ရက်​နေ့မှာ ပြုလုပ်ခဲ့သည်” လို့ ​ဖော်ပြထားပါတယ်။

ဒီသတင်းနဲ့ ပတ်သက်လို့ ​အချက်အလက်စစ်​ဆေးရန်အတွက် ​တွေးပြီးမှယုံက​နေ ​​မွန်ပြည်နယ်၊ မော်လမြိုင်မြို့မှ ​ဒေသခံများနှင့် ဆက်သွယ်​မေးမြန်းခဲ့ရာမှာ​တော့ ​မော်လမြိုင်မှာ ဒီလိုဆန္ဒပြခဲ့မှုမျိုး မရှိတဲ့အကြောင်းနဲ့ သတင်းတုသာ ဖြစ်တဲ့အကြောင်း ပြန်လည်အတည်ပြု​​ဖြေကြားခဲ့ပါတယ်။

ဒါအပြင် Myanmarlocalnews-media ဆိုတဲ့ မီဒီယာနာမည်ခံ Facebook Page ဟာ ​စစ်​ကောင်စီကို တော်လှန်အံ့တု​နေတဲ့ အဖွဲ့အစည်း​တွေကို တိုက်ခိုက်ပုံဖျက်​နေတဲ့ post ​တွေကိုလည်း အဆက်မပြတ် ဖြန့်​ဝေ​နေတာကို ​တွေ့ခဲ့ရပါတယ်။

သတင်းတုလို့ သံသယရှိနေတဲ့ သတင်းတွေကို သက်ဆိုင်ရာ ပြည်နယ်အလိုက်၊ အဖွဲ့အစည်းအလိုက် ဒေသတွင်းဖြစ်ပေါ်နေတဲ့ သတင်းတွေကိုတင်ဆက်ပေးနေတဲ့ သတင်းဌာန နဲ့ သက်ဆိုင်ရာ တာဝန်ရှိသူတွေဆီမှာ ရှာဖွေအတည်ပြုဖို့လိုအပ်ပါတယ်။ သတင်းတုလို့ အတည်ပြုနိုင်ခဲ့ရင် သတင်းအမှား​တွေ ထပ်မံမပြန့်နှံ့ဖို့ Facebook ကို Report ပြုလုပ်ကြဖို့တိုက်တွန်းပါတယ်။ သတင်းစစ်ဆေးဖို့ အခက်အခဲ ရှိရင်တော့ တွေးပြီးမှယုံရဲ့ Facebook Chat Box မှာ မေးမြန်းလို့ရပါတယ်။

%d bloggers like this: