လမ်းမ​ပေါ်မှ ပိုက်ဆံ​တွေ ပြန့်ကျဲ​နေတဲ့ ပုံ​တွေကိုသုံးပြီး အီတလီမှာ ပြည်သူ​တွေက ​ငွေတွေကို လမ်း​ပေါ်လွှင့်ပစ်လိုက်ပြီက ​နေစလို့ “​​ပိုက်ဆံ​တွေနဲ့ ပတ်သက်လို့ ဘုရား၊ တရားစာ” လိုလို ​ရေးထားတဲ့ စာ​တွေပြန့်လာ​နေပါတယ်။

၁၉.၇.၂၀၂၁ (မ​နေ့) ကမှ စပြီးပြန့်လာပြီး​တော့ ထပ်ဆင့်ကူးယူ​ဖော်ပြသူ​တွေက အရှင်​ကောဝိဒ(​ရွှေအုန်းပင်) ဆိုပြီး မူရင်း​ရေးသားသူကို ညွှန်းဆိုထားကြပါတယ်။

ဒီသတင်းဓါတ်ပုံ​တွေနဲ့ ပတ်သက်လို့ ​တွေးပြီးမှ ယုံက​နေ Google Reverse Image Search ကို အသုံးပြုပြီး အချက်အလက်စစ်​​ဆေးခဲ့ရာမှာ​တော့ သတင်းဓါတ်ပုံအမှားကို ဖွ​နေကြတာဖြစ်​ကြောင်းသာ ​တွေ့ခဲ့ရပါတယ်။ ဖွ​နေတဲ့ သတင်းထဲမှာ ​ရေးထားသလိုမျိုး ဒီဓါတ်ပုံဟာ အီတလီနိုင်ငံကပုံ မဟုတ်ခဲ့သလို အခုဖြစ်ပျက်​နေတဲ့ သတင်းဓါတ်ပုံလည်း မဟုတ်ပါဘူး။

၂၀၁၉ ခုနှစ်၊ ဧပြီလတွင်းက John Hopkins တက္ကသိုလ်ရဲ့ စီးပွား​ရေးပညာရှင် ​ပါ​မောက္ခတစ်ဦးက ဗင်နီဇွဲလားနိုင်ငံဖြစ်ရပ်တစ်ခုကို Twitter မှာ ဖြန့်​ဝေထားခဲ့တဲ့ ပုံတစ်ပုံသာ ဖြစ်​နေပါတယ်။ Link

ဒီသတင်းဓါတ်ပုံအမှားဟာ မြန်မာနိုင်ငံမှာတင်မကပဲ အိန္ဒယနိုင်ငံမှာလည်း အခုလို ပုံစံတူ ပြန့်​နှံ့ခဲ့တာကို ​တွေ့ခဲ့ရပါတယ်။ သူတို့နိုင်ငံမှာလည်း အချက်အလက်စစ်​​ဆေးတဲ့ အဖွဲ့​တွေက သတင်းအမှားသာဖြစ်​ကြောင်း ပြန်လည် ​ဖြေရှင်းထားတာ​တွေကိုလည်း ​တွေ့ခဲ့ရပါတယ်။ အိန္ဒိယနိုင်ငံမှာ ပြန့်နှံ့​နေတဲ့ သတင်းအမှားမှာ​တော့ အီတလီက ပြည်သူ​တွေက ကိုဗစ်ကူးစက်မှာ ​ကြောက်လန့်လို့ ပိုက်ဆံ​တွေ လမ်း​ပေါ် ပစ်လွှင့်သ​ယောင် ပုံ​ဖော် သတင်းမှား ဖန်တီးထားကြပါတယ်။

ကိုဗစ် ကပ်​ဘေးဟာ ကမ္ဘာနဲ့ တလွှားမှာ ကြုံ​တွေ့​နေရဆဲဖြစ်​တော့ သတင်းအမှား​တွေဟာလည်း ပုံစံတူ​တွေ မကြာ၊ မကြာပြန့်နှံ့ကြပါတယ်။ ဒီလို သတင်း​တွေ​ တွေ့လာရင် သတင်းဓါတ်ပုံရဲ့ ရင်းမြစ်ကို ​မေးမြန်းကြပါ။ ဒါအပြင်လည်း Google Image Search, Reverse Image Search တို့လို ​နေရာ​တွေမှာလည်း ဒီလိုဓါတ်ပုံ​တွေကို လွယ်လင့်တကူ စစ်​​ဆေးနိုင်ပါတယ်။ စစ်​ဆေးရင်းနဲ့ တစုံတရာ အခက်အခဲရှိလာရင်လည်း ​တွေးပြီးမှယုံ ရဲ့ Chat Box မှာ လာ​ရောက်​မေးမြန်း နိုင်ပါတယ်။