Home>>သတင်းအတုစစ်ဆေးခြင်း>>နိုင်ငံရေး>>ပဲခူး PDF ​ခေါင်း​ဆောင်တွေဖမ်းမိသွားတယ်ဆိုတဲ့ ​ကောလဟလ
နိုင်ငံရေး

ပဲခူး PDF ​ခေါင်း​ဆောင်တွေဖမ်းမိသွားတယ်ဆိုတဲ့ ​ကောလဟလ

ဩဂုတ်လ ၁ရက်နေ့ ညပိုင်းမှာပဲ Breaking News ဆိုပြီး ပဲခူး PDF ခေါင်းဆောင်တွေကို ဖမ်းမိသွားကြောင်းနဲ့ မန္တလေး PDF စာရင်း အတိအကျရသွားကြောင်း လူမှုကွန်ရက်ပေါ်မှာ မြန်မြန်ဆန်ဆန်ပဲပျံ့နှံ့လာခဲ့ပါတယ်။ ဒီသတင်းကို Aung Thant Kyaw ဆိုတဲ့ အကောင့်ပိုင်ရှင်ကတင်ခဲ့ပြီး like & react ပြုလုပ်သူ ၂၁၀၀ကျော်နဲ့ ပြန်လည်မျှဝေသူပေါင်း ၅၁၀၀ကျော်ရှိခဲ့ပါတယ်။ ထပ်ဆင့်ကူးယူဖော်ပြသူတွေလည်း အများအပြားရှိခဲ့ပါတယ်။

ဒီသတင်းကို တွေးပြီးမှယုံက​နေအချက်အလက်စစ်ဆေးခဲ့ရာမှာတော့ ပဲခူး PDF အဖွဲ့ရဲ့ Facebook Page ဖြစ်တဲ့ People Defense Force- Bago page က​နေ “မိမိတို့အဖွဲ့ဝင်တွေနဲ့ မိတ်ဖက်အင်အားစုတွေ အဖမ်းမခံရကြောင်းနဲ့ လုံခြုံဘေးကင်းကြောင်း” ပြန်လည်​ဖြေရှင်းထားတာကို ဒီမှာ တွေ့ရပါတယ်။ သတင်းတုဟာလည်း အခုဆို ပျက်သွားခဲ့ပေမယ့် ကူးယူဖော်ပြမှုတွေနဲ့ Screenshot ​တွေနဲ့ ထပ်မံဖြန့်​ဝေမှု​တွေ ရှိသေးတာကြောင့် တွေးပြီးမှယုံ ဝိုင်းတော်သားများက တင်ဆက်ပေးတာပဲဖြစ်ပါတယ်။ ဒါ​ပေမဲ့ မန်း​လေးမှာ​တော့ မ​နေ့ညက တချို့ဖမ်းဆီးခံရ​ကြောင်း အတည်မပြုနိုင်​သေးတဲ့ သတင်း​တွေအရ သိရပါတယ်။

သတင်းတုတွေ စာဖတ်သူတွေဆီ မစီးဆင်းနိုင်ဖို့ စာဖတ်သူများက သတိထားဖို့လိုအပ်ပါတယ်။ PDF ​တွေနဲ့ သက်ဆိုင်တဲ့ နယ်​မြေအလိုက်​ Facebook ​page ​တွေက​နေ ဒီသတင်း​တွေကို တိုက်ဆိုင်စစ်​ဆေးနိုင်သလို တရားဝင် လွတ်လပ်တဲ့ Media တွေမှာ ကိုယ်ဖတ်လိုက်ရတဲ့ သတင်း အမှန်လားဆိုတာ သွားရောက် စစ်ဆေးဖို့ လိုပါတယ်။ သတင်းတုလို့ယူဆရရင်လည်း တွေးပြီးမှယုံ ရဲ့ Chat Box မှာလာရောက်မေးမြန်းနိုင်ပါတယ်နော်။

%d bloggers like this: