အမျိုးသားညီညွတ်​ရေးအစိုးရ(NUG) ရဲ့ ဒုသမ္မတဦး.. မှ စက်တင်ဘာ၊ ၇ (ဒီ​နေ့) မနက်ခင်းပိုင်းမှာ ပြည်သူများအ​နေဖြင့် အာဏာသိမ်းစစ်​ကောင်စီကို လှည်​နေလှည်း​အောင်းမြင်း​ဇောင်းမကျန် တိုက်ထုတ်ကြရန် မိန့်ခွန်း​ပြောကြားခဲ့သည်။အဲ့ဒီ ဖြစ်စဉ်နဲ့ မရှေ့မနှောင်းမှာပဲ ရန်ကုန် မန္တလေးနဲ့ အချို့မြို့ကြီးတွေမှာ စစ်ဖြစ်နေတယ်ဆိုတဲ့ အတည်ပြုရခက်ခဲတဲ့ သတင်းတွေ အင်တိုက်အားတိုက် ထွက်ပေါ်လာနေပါတယ်။

အခုဆိုရင်လည်း U Ngel Lay နာမည်နဲ့ ​ Facebook Acc တခုက​နေ ဒီသတင်းဓါတ်ပုံက စတင်ဖြန့်​ဝေထားပြီး​တော့ Like, React 9700 ​ကျော်နဲ့ Share 13000 ​ကျော်ရှိ​နေပြီပဲဖြစ်ပါတယ်။သတင်းနဲ့ ဓါတ်ပုံကို စစ်​ဆေးခဲ့ရာမှာ​တော့ မတ်၊ ၁၅ ရက်​နေ့က မရမ်းကုန်း(၁) ရပ်ကွက်၊ ဘုရင့်​နောင့် နှစ်ထပ်တံတားမှ အာဏာသိမ်းစစ်​ကောင်စီအား ဆန့်ကျင့်သပိတ်​မှောက်​နေတဲ့ ဓါတ်ပုံကို ပြန်လည် အသုံးပြု သတင်းတုဖန်တီးထားတာပဲဖြစ်ပါတယ်။ ဒီလင့်ခ် မှာ ဝင်ကြည့်လို့ရပါတယ်။ဒီလို သတင်းအမှား​တွေဟာ သုံးစွဲသူ​တွေဆီကို အချက်အလက် အမှား​တွေ ​ရောက်ရှိ​စေရုံသာမကပဲ သတင်းအမှား​တွေ ပြန့်​နှံ့​နေတာ​ကြောင့် သတင်းအမှန်​တွေရဲ့ စီးဆင်းမှုကို အ​နှောက်အယှက်ဖြစ်​စေပါတယ်။

ဒါ​ကြောင့် အခုလို အ​ခြေအ​နေတရပ်ဟာ သတင်းအမှား​တွေလုပ်ကြံဖြန့်​ဝေတာ​တွေ ပိုများလာနိုင်ပြီး စာဖတ်သူ​တွေအ​နေနဲ့ လွတ်လပ်တဲ့ တရားဝင်မီဒီယာ​တွေ၊ သတင်းရင်းမြစ်​တွေနဲ့ သက်ဆိုင်ရာ အဖွဲ့အစည်းအစီး၊ ဌာန အသီးသီးရဲ့ တရားဝင်​ပေ့ချ်​က​နေ ထုတ်ပြန်တာ​တွေကိုသာ ​စောင့်ကြည့်ဖတ်ရှု့ကြဖို့ တိုက်တွန်းပါတယ်။ သတင်းအမှား​တွေ ​တွေ့လို့ စစ်​ဆေးလိုရင်လည်း ​တွေးပြီးမှယုံ ရဲ့ Chat Box  မှာ လာ​ရောက်စစ်​ဆေးနိုင်ပါတယ်။