Home>>သတင်းအတုစစ်ဆေးခြင်း>>နိုင်ငံရေး>>KNLA တပ်မဟာ ၅ မှာ မုဒိန်းကျင့်ခံထားရတဲ့ အမျိုးသမီးအ​လောင်း​တွေ ​တွေ့တယ်ဆိုတဲ့ လုပ်ကြံသတင်း
နိုင်ငံရေး

KNLA တပ်မဟာ ၅ မှာ မုဒိန်းကျင့်ခံထားရတဲ့ အမျိုးသမီးအ​လောင်း​တွေ ​တွေ့တယ်ဆိုတဲ့ လုပ်ကြံသတင်း

ဒီသတင်းကို ​ဒေါင်း နိုင် မင်း ဆိုတဲ့ နာမည်နဲ့ ​​ဖေ့ဘွတ် အ​ကောင့်တစ်ခုက​နေ ဩဂုတ်၊ ၁၈ ရက်​နေ့ ည​နေ့ပိုင်းမှာ ဖြန့်​ဝေလာပါတယ်။ ဗွီဒီယိုဖိုင်ထဲမှာ ဆိုရင် ​လူ​သေအ​လောင်း​တွေကို စစ်​ကောင်စီတပ်သား​တွေက ​မြေမြုပ်​ပေး​နေတဲ့ ဗွီဒီယိုဖိုင်တခုနဲ့အတူ
“ကဲTGကရုပ်သံကြည့်ကျပါ တောခိုမိဘတွေ
KNLAတပ်မဟာ5ကိုဝင်ရှင်းတော့အစုလိုက် အပြုံလိုက် ကျားမရောရာ သတ်ဖြတ်ခံထားရတဲ့..GZ450ကို တပ်မတော်သားတွေကမြေမြှုပ်ပေးရတယ် မျက်ရည်ကျပြီး အမျိုးသမီး121ယောက်ပါတယ် မုဒိမ်းကျင့်သတ်ထားတာ Kmh”
စသဖြင့် ​ရေးသားထားပါ​သေးတယ်။

ဖြန့်​ဝေချိန် တနာရီ​​ကျော်အကြာအတွင်းမှာ ပြန်လည်မျှ​ဝေသူ ၁၀၀၀​ကျော် နဲ့ ကြည့်ရှု့သူ​ပေါင်း ၆၀၀၀ ​ကျော် ရှိ​နေပြီ ဖြစ်ပါတယ်။
ဒီသတင်းနဲ့ ပတ်သက်လို့ ​တွေးပြီးမှယုံက​နေ အချက်အလက် စစ်​ဆေးကြည့်ရာမှာ​တော့ တခြားဖြစ်စဥ်တခုမှ ဗွီဒီယိုဖိုင်ကို ပြန်လည် အသုံးချ၍ ဝါဒဖြန့် သတင်းတု လွှင့်ထားတာကို ​တွေ့ခဲ့ရပါတယ်။

ဖြစ်စဥ်အမှန်မှာ မေ၊ ၃၀ ရက်​နေ့က မြဝတီခရိုင်၊ ကနဲ​လေး​ကျေးရွာအနီးမှာ လမ်းလုပ်သား​​တွေကို KNDO အဖွဲ့မှ ဖမ်းဆီးခံခဲ့ရပြီး​နောက် အသတ်ခံခဲ့ရ ဆိုတဲ့ ဖြစ်စဥ်က ဗွီဒီယိုဖိုင်ကို ပြန်လည် အသုံးပြုထားတာသာဖြစ်​နေပါတယ်။ ဒီဖြစ်စဥ်နဲ့ ပတ်သက်လို့ ဇွန်၊ ၁၄ ရက်ထုတ် မြန်မာ့အလင်းသတင်းစာ စာမျက်နှာ နာပါတ်၊ ၂၄ မှာ ဖတ်ရှု့နိုင်ပါတယ်။
စစ်​ကောင်စီဘက်က လမ်းလုပ်သား​တွေ သတ်ဖြတ်ခံရ​ကြောင်း သတင်းထုတ်ထား​ခဲ့​ပေမဲ့ KNDO အဖွဲ့မှ လမ်းလုပ်သားများ မဟုတ်ပဲ အ​ယောင်​ဆောင်ထားတဲ့ စစ်​ကောင်စီ​ထောက်လှမ်း​ရေး ​တွေသာ ဖြစ်​ကြောင်းကို Irrawaddy Burmese ရဲ့ သတင်းတင်ဆက်မှုမှာ ​ကြည့်ရှု့နိုင်ပါတယ်။
သတင်းကြည့်ရှု့ရန် – Link

ဖြစ်စဥ်တလွဲ​တွေက ဗွီဒီယိုဖိုင်​တွေနဲ့ ဓါတ်ပုံ​တွေကို ပြန်လည်အသုံးချပြီး သတင်းတု​တွေ မကျခဏ ပြန်လည်ဖြန့်​ဝေလာကြတာ မကြာခဏ ​တွေ့​နေရပါတယ်။ ဒီလို သတင်း​တွေနဲ့ ပတ်သက်ရင် သက်ဆိုင်ရာအဖွဲ့အစည်း​တွေရဲ့ သတင်းထုတ်ပြန်ချက်​တွေနဲ့ လွတ်လပ်တဲ့ တရားဝင်မီဒီယာ​တွေရဲ့ သတင်းဖြန့်​ဝေမှု​တွေကိုသာ ယုံကြည် မျှ​ဝေကြဖို့ တိုက်တွန်းပါတယ်။ အခက်အခဲ တစုံတရာ​တွေ့ခဲ့ရင်လည်း ​တွေးပြီးမှယုံ ရဲ့ Chat Box မှာ လာ​ရောက်​မေးမြန်းနိုင်ပါတယ်။

%d bloggers like this: