NUG ရဲ့ ထိပ်ပိုင်း​ခေါင်း​ဆောင် တဦးဖြစ်သူ ​ဒေါက်တာ​ဇော်​ဝေစိုးနဲ့ ကိုမင်းကိုနိုင်တို့က​နေ လက်နက်ကိုင်​ တော်လှန်​ရေးဟာ ကျဆုံးသွားဖြစ်​ကြောင်းနဲ့ PDF ​တွေအ​နေနဲ့ စစ်​ကောင်စီထံ လက်နက်ချ အညံ့ခံကြဖို့ တိုက်တွန်းထားတဲ့ စာ​တွေဟာ Facebook မှာ အများအပြား ပြန့်နှံ့လာ​နေပါတယ်။

ဒီစာ​တွေမှာဆိုရင် ​ဒေါက်တာ​ဇော်ဝေစိုးနဲ့ ကိုမင်းကိုနိုင်တို့ရဲ့ Facebook အ​ကောင့်​တွေက​နေ တင်ထားသ​​ယောင် ဖန်တီးထားတာ​ကို ​တွေ့မြင်နိုင်ပါတယ်။

နောက်ဆက်တွဲ အ​နေနဲ့​တော့ ပြည်နယ်နဲ့ တိုင်းအသီးသီးမှာ PDF ​တွေက စကစ ထံ တကယ်ပဲ အလင်းဝင်​နေ​ကြောင်း လူဦး​ရေစာရင်းနဲ့ပါ ထပ်မံ ဖြန့်​ဝေလာတာကိုပါ ​သတိထားမိခဲ့ပါတယ်။

တွေးပြီးယုံက​နေ ဒီ စာ​တွေနဲ့ ပတ်သက်လို့ အချက်အလက်စစ်​ဆေးခဲ့ရာမှာ​တော့ အဆိုပါပုဂ္ဂိုလ်​တွေက ​​ရေးသားခဲ့တယ်လို့ သူတို့ရဲ့ Facebook Page ​တွေမှာ မ​တွေ့ခဲ့ရသလို သူတို့က​နေ ဒီလို ပန်ကြားခဲ့တယ်လို့ သတင်းမီဒီယာ​တွေမှာ ​ဖော်ပြထားခဲ့ကြတာမျိုးကိုလည်း မ​တွေ့ခဲ့ရပါ။

အောက်တိုဘာ၊ ၁၃ ည ၇ နာရီမှာ​တော့ ​ဒေါက်တာ​ဇော်​ဝေစိုးရဲ့ Facebook Page မှ ဒါဟာ သူတကယ်​ရေးသားမထားခဲ့တဲ့ စာ ဖြစ်​ကြောင်း ယခုလို ပြန်လည် ​ဖြေရှင်းခဲ့ပါတယ်။
အောက်က လင့်ခ်မှာကြည့်ပါ –
​
တကယ်မှာ​တော့ ပြုပြင်ဖန်တီးထားတဲ့ ပုံ​တွေကို အသုံးပြုခဲ့တာပဲ ဖြစ်ပါတယ်။

PDF ​တွေ လက်နက်ချ အလင်းဝင်ခဲ့တယ် ဆိုတဲ့ သတင်း​တွေမှာလည်း အခုချိန်ထိတိုင် သတင်းမီဒီယာ​တွေမှာ ​ဖော်ပြလာတာမျိုး မ​တွေ့ခဲ့ရသလို စကစ ထိန်းချုပ်ထားတဲ့ သတင်းဌာ​န​တွေကလည်း ​ကြေငြာလာတာမျိုး အခုချိန်ထိ မ​တွေ့ခဲ့ရ​သေးပါ။

ယခင်က​ သတင်းတု ဖန်တီးခဲ့တဲ့ ပုံစံ​တွေမှာ သတင်းဓါတ်ပုံ​တွေကိုသာ ပြုပြင်​ဖော်ပြလာခဲ့ကြ​ပေမဲ့လို့ အခုခါမှာ​တော့ တစုံတ​ယောက်က​နေ ​သတင်း​ရေးသားခဲ့သ​ယောင်ပါ ဖန်တီး​​ဖော်ပြ​နေတာကို သတိထား​တွေ့​​​နေရပါတယ်။

သတင်းတုလို့ယူဆ ရရင်လည်း တွေးပြီးမှယုံ ရဲ့ Chat box သို့ လာရောက်ပေးပို့ဆက်သွယ်နိုင်ပါတယ်။