ဒီရက်ပိုင်းမှာ သတင်းစာဖြတ်ပိုင်းပုံ ဖန်တီးထားတဲ့ သတင်းတု​တွေ ပုံစံတူ အများအပြားထွက်​ပေါ်လာ​နေပါတယ်။

ပထမ တစ်ခုကတော့ ရုရှားသမ္မတ ဗလာဒီမာပူတင် က​နေ အာဆီယံကို သတိ​ပေးလိုက်တယ်ဆိုတဲ့ သတင်းတုပါ။ အာဏာသိမ်းစစ်​ခေါင်း​​ဆောင် ဗိုလ်ချုပ်မှူးကြီး မင်း​အောင်လှိုင်ကို အာဆီယံထိပ်သီး အစည်းအ​ဝေး တက်​ရောက်ခွင့် ပိတ်ပင်ခဲ့ပြီး​နောက်မှာပဲ ထွက်​ပေါ်လာခဲ့တာ ဖြစ်ပါတယ်။

ဒီလို ထိပ်တန်းသတင်းနဲ့ ပတ်သက်လို့ နိုင်ငံတကာ မီဒီယာ​တွေနဲ့ ပြည်တွင်းမီဒီယာ​တွေက​နေ ​ဖော်ပြထားတာမျိုး​တွေကို မ​တွေ့ခဲ့ရလို ဒီအ​ကြောင်းအရာနဲ့ ပတ်သက်လို့ အခြားပြည်ပမီဒီယာတွေမှာလည်း ဖော်ပြထားခြင်းမရှိတဲ့အတွက်ကြောင့် သတင်းအတု တပုဒ်သာဖြစ်​ကြောင်း အတည်ပြုခဲ့ပါတယ်။ ​​

နောက်ထပ် သတင်းတစ်ပုဒ်က​တော့ ဒီကနေ့မှာပဲ ထပ်မံထွက်​ပေါ်လာတဲ့ သတင်းစာဖြတ်ပိုင်းပုံ သတင်းတုဖြစ်ပါတယ်။ ဒီ သတင်းဓါတ်ပုံအတုထဲမှာဆိုရင် ပြန်လည်လွတ်​မြောက်လာတဲ့ NLD ထိပ်ပိုင်းခေါင်း​ဆောင် ဦးမုံရွာ​အောင်ရှင် မှ ပြင်ပ​တွင် ​အေးချမ်းစွာ ​နေလိုပြီး အကြမ်းဖက်မှု​တွေကို ရှုတ်​ချ​ကြောင်း ​ခေါင်းစဥ်တပ်ထားတဲ့ သတင်းဖြစ်ပါတယ်။ ​

ဒီ သတင်းမှာဆိုရင် သတင်းရက်စွဲကို မှားယွင်း​ဖော်ပြထားသလို ဘယ်မီဒီယာ​နဲ့ ​တွေ့ဆုံရာမှာ ​ဖြေထားတယ်ဆိုတာမျိုးလည်း ထည့်သွင်း​ဖော်ပြထားတာမျိုး မ​တွေ့ခဲ့ရပါဘူး။ ဒီသတင်းနဲ့ ပတ်သက်လို့ တွေးပြီးမှယုံရဲ့ သတင်းစစ်ဆေးချက်တွေအရ မုံရွာ​အောင်ရှင်နဲ့ DVB သတင်းဌာနတို့အကြား ဆက်သွယ်​မေးမြန်းချက်မှာ -​နေရထိုင်ရတာ အဆင်​ပြေ​ကြောင်း၊ ကျန်းမာ​ရေးအဆင်​ပြေ​ကြောင်းသာ ​ဖြေဆိုထားပြီး သတင်းတုမှာ ဖြန့်​ဝေထားသလိုမျိုး အကြမ်းဖက်မှုကို ရှုံ့ချခြင်း၊ ဒေါ်အောင်ဆန်းစုကြည်ကို မကြိုက်တဲ့အကြောင်းတွေ မပါဝင်ပါဘူး။
အောက်တိုဘာ ၁၈ ရက်​နေ့က DVB နဲ့ အင်တာဗျူးကို ​အောက်က လင့်ခ်မှာ ဝင်ကြည့်နိုင်ပါတယ်။
Link – https://youtu.be/DOKJZxdiNNg

အခုလို သတင်းစာဖြတ်ပိုင်းပုံ ဖန်တီးပြီး ဖြန့်ဝေထားတဲ့သတင်းတွေကို အလွယ်တကူမယုံကြည်ကြပဲနဲ့ သတင်းထူး သတင်းဦး​တွေနဲ့ ပတ်သက်လို့ လွတ်လပ်တဲ့ သတင်းမီဒီယာ​တွေကိုသာ ယုံကြည်ဖြန့်​ဝေကြဖို့ တိုက်တွန်းပါတယ်။ ဒါအပြင် သတင်းတုလို့ယူဆခဲ့ရင်၊ သတင်းစစ်​ဆေးဖို့ အခက်အခဲရှိခဲ့ရင်လည်း ​တွေးပြီးမှယုံ ရဲ့ Chat Box မှာ လာ​ရောက်စစ်​ဆေး​မေးမြန်းနိုင်ပါတယ်​နော်။