Home>>တိုက်ပွဲ>>လင်းက​တော့ ရဲစခန်းကို အာဏာသိမ်းစစ်တပ်က ပြန်သိမ်းခဲ့ရာမှာ PDF အဖွဲ့ဝင် ရာဂဏန်း ​သေဆုံးတယ်ဆိုတဲ့ ​သတင်းတု
တိုက်ပွဲ

လင်းက​တော့ ရဲစခန်းကို အာဏာသိမ်းစစ်တပ်က ပြန်သိမ်းခဲ့ရာမှာ PDF အဖွဲ့ဝင် ရာဂဏန်း ​သေဆုံးတယ်ဆိုတဲ့ ​သတင်းတု

ပြည်သူ့ကာကွယ်​ရေးတပ်ဖွဲ့ – မြိုင် (PDF- Myaing) က စီးနင်းသိမ်းပိုက်နိုင်ခဲ့တဲ့ လင်းက​တော့ ရဲစခန်း ကို အာဏာသိမ်းစစ်တပ်က​နေ ပြန်လည်သိမ်းစီးနိုင်ခဲ့ရာမှာ PDF ​တွေ ရာ​ကျော် ​သေဆုံးခဲ့တယ်လို့ စစ်တပ်​ထောက်ခံတဲ့ ​ဖေ့ဘွတ်ခ်​​အ​ကောင့်​တွေမှာ ဖြန့်​ဝေ​နေကြပါတယ်။

ဒီသတင်းကို Aung Naing Thu နံမည်နဲ့ ​ဖေ့ဘွတ်ခ်အ​ကောင့်က​နေ စတင်ဖြန့်​ဝေခဲ့ပြီး​တော့ မျိုးချစ်ဇာမဏီ ဆိုသူကို သတင်းရင်းမြစ်အဖြစ် ရည်ညွှန်းထားပါတယ်။ သတင်းထဲမှာဆိုရင် “လင်းကတော ရဲစခန်းကို PDF များလက်ကနေ ဗိုလ်ချုပ်မှုးကြီး Aung khine ဦးစီးပြီး ဒုဗိုလ်ချုပ်ကြီး ခေတ်ဘုန်းခ (ခခ လေး) ၏ ဦးဆောင် ထိုးစစ်ဖြင့် 30.1.2022 ညနေ ငါးနာရီတွင် ပြန်လည်သိမ်းပိုက်နိုင်ခဲ့ပါပြီ တိုက်ပွဲ ဖြစ်ချိန် ၄ နာရီခန့်ကြာမြင့်ပြီး PDF ဘက်မှ ၄၆၇ ယောက်ကျရှုံးပြီး တပ်မတော်ဘက်မှ စစ်သည်တချို့ ချွေးအနည်းငယ်သာ စို့ခဲ့ပါသည် တပ်မတော်သည် အချဉ်မဟုတ် အရေးတော်ပုံ အောင်ရမည် အောင်ရမည် အောင်ကိုအောင်ရမည် ပုံ #မျိုးချစ်ဇာမဏီ လို့ ​​ဖော်ပြထားပါတယ်။

ဒီသတင်းနဲ့ ပတ်သက်လို့ ​တွေးပြီးမှယုံက​နေ အချက်အလက်စစ်​ဆေးရာမှာ​တော့ ဘယ်လို အကိုးအကားမှ မပါပဲ သတင်းတု ဖန်တီးထားခြင်းသာဖြစ်တာကို ​တွေ့ခဲ့ရပါတယ်။ ဒီသတင်းနဲ့ ပတ်သက်လို့ ဇန်နဝါရီ၊ ၂၉ က ​သတင်း​ရေးသား​ဖော်ပြခဲ့တဲ့ ​ခေတ်သစ်မီဒီယာရဲ့ တင်ဆက်မှုမှာဆိုရင် မြိုင် PDF နဲ့ ဆက်သွယ်​မေးမြန်းထားပြီး မြိုင် PDF ရဲ့ ​ဖြေကြားမှုမှာဆိုရင်လည်း ဝင်​ရောက် စီးနင်းအပြီးမှ အာဏာသိမ်းစစ်တပ်ဘက်က​နေ စစ်​​ကြောင်းထိုးလာတာ​ကြောင့် အထိအခိုက်မရှိပဲ ​နောက်ဆုတ်နိုင်ခဲ့တယ်လို့ ​ဖြေဆိုထားတာကို ​အောက်ကလင်ခ့်မှာ ဝင်​ရောက်ဖတ်ရှု့နိုင်ပါတယ်။

https://www.facebook.com/385165108587508/posts/1412700265833982/

ဒါအပြင် ဒီဖြစ်စဥ်နဲ့ ပတ်သက်လို့ ​ဒေသခံအမျိုးသမီးတဦးနဲ့ ​​မြေလတ်အသံ – Mayelatt Athan သတင်းဌာနတို့အကြား အင်တာဗျူး​ဖြေဆို မေးမြန်း​တင်ဆက်ထားတာကိုလည်း ​အောက်ကလင်ခ့်မှာ ဝင်​ရောက်ကြည့်ရှု့နိုင်ပါတယ်။

https://fb.watch/aW9mSYCXLr/

သတင်းရင်းမြစ်အဖြစ်ပေးထားတဲ့ မျိုးချစ်ဇာမဏီဆိုသူမှာလည်း အာဏာသိမ်းစစ်တပ်နဲ့ ပတ်သက်လို့ ဝါဒဖြန့်သတင်းတွေကို ဖြန့်ဝေနေဖြစ်တာကို တွေ့ရပါတယ်။

ဇန်နဝါရီ၊ ၂၉၊ ၂၀၂၂ ​နေ့မှာ မ​ကွေးတိုင်း၊ မြိုင်မြို့နယ်ထဲက လင်းက​တော့ရဲစခန်းကို မြိုင် PDF က​နေ ဝင်​ရောက်သိမ်းပိုက်နိုင်ခဲ့ပြီး လက်နက်​တွေနဲ့ ရဲစခန်းမိသားစုဝင်​တွေကို ဖမ်းဆီးရမိခဲ့ပြီး မိသားစုဝင်​တွေကို ပြည်သူနဲ့အတူ ရပ်တည်ရန်မှာကြားပြီး ပြန်လွှတ်​ပေးခဲ့ပါတယ်။

%d bloggers like this: