မ​နေ့(၂၇.၃.၂၀၂၂) က ကျင်းပခဲ့တဲ့ တပ်မ​တော်​နေ့ အခမ်းအနားကို အနုပညာရှင်​တွေ ဖြစ်တဲ့ ချမ်း​မြေ့​မောင်ချိုနဲ့ အိန္ဒြာ​ကျော်ဇင်တို့ တက်​ရောက်ခဲ့ကြတယ်ဆိုပြီး ၂၀၁၉ ခုနှစ်က ပုံ​တွေကို ပြန်သုံးထားတဲ့ သတင်းတု တခုပြန့်နှံ့​နေပါတယ်။

ဒီသတင်းကို Aung Myat Thu နံမည်နဲ့ ​ဖေ့ဘွတ်ခ်အ​ကောင့်တခုက​နေ စဖြန့်ခဲ့တာဖြစ်ပြီး ပြန်လည်မျှ​ဝေသူ​ပေါင်း ၃၁၂ ဦးထိ ရှိ​နေပါတယ်။ ဒါအပြင် ပုံနဲ့စာကိုပဲ ထပ်ဆင့်ကူးယူ​ဖော်ပြ​နေသူ​တွေလည်း အများအပြားရှိ​နေပါတယ်။ တင်ထားတဲ့ အ​ရေးအသားမှာဆိုရင်လည်း “နင်… နင်တို့ လုပ်ရက်လိုက်တာ၊ ​မောင်ချိုနဲ့ အူဝဲရာ” စသဖြင့် ​လှောင်​ပြောင်ပြီး ​ဖော်ပြထားပါ​သေးတယ်။

ဒီ သတင်းနဲ့ ပတ်သက်လို့​ ​​တွေးပြီးမှယုံက​နေ အချက်အလက် စစ်​ဆေးခဲ့ရာမှာ​တော့ ၂၀၁၉ ခုနှစ်က ချမ်း​မြေ့​မောင်ချို ကိုယ်တိုင်တင်ထားခဲ့တဲ့ ဓါတ်ပုံကို ပြန်သုံးပြီး တင်ထားတာ ​တွေ့ရပါတယ်။ ၂၀၁၉ ခုနှစ်၊ ၇၄ ကြိမ်​မြောက် တပ်မ​တော်​နေ့ အခမ်းအနားကို သူတို့နှစ်ဦးတက်​ရောက်ခဲ့တဲ့ ဓါတ်ပုံသာဖြစ်ပါတယ်။ ​

သတင်းတု ဓါတ်ပုံမှာ အသုံးပြုထားတဲ့ တပ်မ​တော်​နေ့ အကြိမ်​မြောက်မှာ၊ ၇၄ ဖြစ်ပြီး ယခုနှစ် ၂၀၂၂ မှာ​တော့ ၇၇ နှစ်​မြောက် ဖြစ်တယ်ဆိုတာကိုလည်း လွယ်လွယ်ကူကူမြင်နိုင်ပါတယ်။ ဒါအပြင် ချမ်း​မြေ့​မောင်ချိုရဲ့ ​ဖေ့ဘွတ်ခ်အ​ကောင့်မှလည်း ဒါဟာ သတင်းဓါတ်ပုံအ​ဟောင်းတခုသာဖြစ်တယ်လို့ ပြန်လည်ရှင်းလင်းထားတာကို ​အောက်က လင်ခ့်မှာ ဝင်​ရောက်ကြည့်ရှု့နိုင်ပါတယ်။ – https://m.facebook.com/story.php?story_fbid=520968046058728&id=100044366108975

အနုပညာရှင် ချမ်း​မြေ့​​မောင်ချိုနဲ့ အိန္ဒြာ​ကျော်​ကျော်ဇင်တို့ဟာ စစ်အာဏာသိမ်းဖို့ကြိုးစားခဲ့တဲ့ ​ဖေ​ဖော်ဝါရီ၊ ၁၊ ၂၀၂၁ တည်းကစလို့ ပြည်သူနဲ့အတူရပ်တည်ပြီး အာဏာသိမ်းဖို့ ကြိုးပမ်းတာကို ကန့်ကွက်ခဲ့သူ​တွေဖြစ်ပါတယ်။ အိန္ဒြာ​ကျော်ဇင်ဟာလည်း မကြာ​သေးခင် ရက်သတ္တပတ် အတွင်းကမှ အင်းစိန်အကျဥ်း​ထောင်က​နေ ပြန်လည်လွတ်​မြောက်လာသူ တဦးဖြစ်ပါတယ်။

ဒီလိုသတင်းတု​တွေဟာ အာဏာသိမ်းဖို့ ကြိုးစားမှုကို ဆန့်ကျင်ခဲ့တဲ့ အနုပညာရှင်​တွေကို ရပ်တည်ချက်မမှန်ကန်​ကြောင်းနဲ့ အထင်အမြင်လွဲ​စေဖို့ရာ ဖန်တီးဖြန့်​ဝေထားတာသာဖြစ်ပါတယ်။ ဒီလို သတင်းဓါတ်ပုံ​တွေ​တွေ့ရင် လွယ်လင့်တကူမယုံကြည်ကြပဲ သတင်းဓါတ်ပုံမှာ ​ပါဝင်တဲ့ ကိန်းဂဏန်း​တွေနဲ့လည်း တိုက်ဆိုင်စစ်​ဆေးနိုင်ပါတယ်။ စစ်​ဆေးဖို့ရာ အခက်အခဲရှိခဲ့ရင်လည်း ​တွေးပြီးမှယုံရဲ့ chat box မှာ လာ​ရောက် ​မေးမြန်းစစ်​ဆေးနိုင်ပါတယ်​။