Author Posts

ယားနာဖြစ်ပွားမှုကို မျောက်ကျောက်ရောဂါဖြစ်သယောင် ဖြန့်ဝေနေတဲ့ သတင်းတု

May 27, 2022

အမျိုးသားတဦးရဲ့ ကျောကုန်းမှာ အနီရောင်အဖုအပိန့်တွေ ထွက်နေတဲ့ပုံကို တင်ထားပြီး မြန်မာနိုင်ငံမှာပဲ မျောက်ကျောက်ရောဂါဖြစ်နေသယောင် ဖြန့်ဝေထားတဲ့ သတင်းဓါတ်ပုံတခုပြန့်နှံ့နေပါတယ်။ ဒီသတင်းကို Hsu Shwe Yee Thun နံမည်နဲ့ ဖေ့ဘွတ်ခ်အသုံးပြုသူတဦးကနေ စတင်ထားပြီး အခုဆိုရင် ၆၉၇၆ ဦးအထိ ပြန်နှံ့နေပြီဖြစ်ပါတယ်။ ဒီသတင်းဓါတ်ပုံ ပတ်သက်လို့ တွေးပြီးမှယုံကနေ အချက်အလက်စစ်ဆေးခဲ့ရာမှာတော့ မျောက်ကျောက်ရောဂါဖြစ်ပွားခဲ့တဲ့ ဓါတ်ပုံမဟုတ်တာကို တွေ့ခဲ့ရပါတယ်။ ဒီဓါတ်ပုံတွေကို Htin Lin Aung နံမည်နဲ့ ဖေ့ဘွတ်ခ် အသုံးပြုသူတဦးကနေ မူရင်းဖြန့်ဝေထားတာကို တွေ့ရပါတယ်။ အဆိုပါ Htin Lin Aung အကောင့်ပိုင်ရှင်မှာ ပုလဲအရံမီးသတ်တပ်ဖွဲ့မှ တာဝန်ရှိသူတဦးဖြစ်ပြီး မူရင်းဓါတ်ပုံမှာလည်း ပုလဲမေတ္တာ(အခမဲ့ ဆေးကုခန်းနှင့် ဆေးပေးခန်း) သို့ ၂၂,၅,၂၀၂၂ ရက်နေ့ က ဆေးခန်းလာပြတဲ့ လူနာတွေရဲ့ ဓါတ်ပုံသာ […]

အာဏာသိမ်းစစ်တပ်ရဲ့ လက်နက်ကြီးပစ်ခတ်မှုကြောင့် တနင်္သာရီတိုင်း NLD လွှတ်တော်အမတ်ဟောင်း ကိုဘိုနီ ကျဆုံးတယ်ဆိုတဲ့ သတင်းတု

May 27, 2022

တနင်္သာရီတိုင်း ပြည်သူ့ကာကွယ်ရေးပူးပေါင်းတပ်များနဲ့ အာဏာသိမ်းစစ်တပ်တိုက်ပွဲထဲမှာ စစ်တပ်ဘက်က ပစ်ခတ်လိုက်တဲ့ လက်နက်ကြီးထိမှန်ခဲ့တာကြောင့် ကိုဘိုနီ(ခ) ကိုအောင်ကျော်ဟိန်း(တနင်္သာရီတိုင်း လွှတ်တော်ကိုယ်စားလှယ်)ကျဆုံးခဲ့တယ်ဆိုတဲ့ သတင်းတု တခုပြန့်နှံ့နေပါတယ်။ ဒီသတင်းကို Taninthary PDF အမည်ရှိတဲ့ ဖေ့ဘွတ်ခ် ပေ့ချ် တခုကနေ တင်ခဲ့တာဖြစ်ပြီး သတင်းတုထဲမှာဆိုရင် “အထူးဝမ်းနည်းကြေကွဲခြင်းဆိုပြီး ရေးသားထားကာ မေ၁၉၊ ၂၀၂၂ တနင်္သာရီ ပြည်သူ့ကာကွယ်ရေးတပ်မတော်နဲ့ စစ်ကောင်စီတပ်တို့ ယနေ့နေ့လည် တိုက်ပွဲဖြစ်ပွါးရာ စစ်ကောင်စီဘက်မှ ပစ်ခတ်သော လက်နက်ကြီး ထိမှန် ကိုဘိုနီ (ခ) အောင်ကျော်ဟိန်း (NLD လွှတ်တော်အမတ်ဟောင်း) သည် တိုင်းပြည်အတွက် အသက်စွန့်သွားရာ မိမိတို့ ဂုဏ်ယူဝမ်းနည်းမိပါကြောင်း မိဘပြည်သူများကို အသိပေး ဖော်ပြအပ်ပါသည်။ #အရေးတော်ပုံအောင်ရမည် #တနင်္သာရီပြည်သူ့ကာကွယ်ရေးတပ်မတော် #တပ်ရင်း၃” လို့ရေးထားပါတယ်။ ဒီသတင်းကို တွေးပြီးမှယုံကနေ အချက်အလက်စစ်ဆေးကြည့်ရာမှာတော့ ကိုဘိုနီ(ခ) ကိုအောင်ကျော်ဟိန်း […]

ဗိုလ်စောစလုံးကျဆုံးသွားပြီလို့ စစ်တပ်ထောက်ခံသူတွေ သတင်းတုဖြန့်နေ

May 27, 2022

KNLA/ KNDO ပူးပေါင်းတပ်ကနေ မြဝတီတောင်ဘက်ရှိ သေ့ဘောဘိုး စစ်ကောင်စီစခန်းကို တက်ရောက်သိမ်းပိုက်နိုင်ခဲ့ပြီး နောက် မရှေးမနှောင်းမှာပဲ DKBA ခွဲထွက် ခေါင်းဆောင် စောစလုံးကျဆုံးသွားပြီဆိုတဲ့ သတင်းတွေကို တပ်ထောက်ခံသူတွေကနေ ဝါဒဖြန့် ရေးသားနေကြပါတယ်။ ဒီသတင်းကို မင်းသစ္စာဇော် အမည်ရှိတဲ့ ဖေ့ဘွတ်ခ်အကောင့်တစ်ခုကနေ စတင်ခဲ့တာဖြစ်ပြီး သတင်းတုထဲမှာဆိုရင်တော့ “ဒီမနက်သတင်း DKBA ခွဲထွက် KNDO ခေါင်းဆောင် စောစလုံးကျဆုံးသွားပြီဟု သိရ…” Sittway Thitsar @ကရင်ပြည်နယ် ဆိုပြီးသတင်းတုရေးသားထားပါတယ်။ သတင်းတုကို လိုက်ခ် ပြုလုပ်ထားသူ ၃၇၉ ယောက် နှင့် ပြန်လည်မျှဝေထားသူ ၁၂၀ ယောက်ရှိနေပြီဖြစ်ပါတယ်။ ဒါ့အပြင် မူရင်းပိုစ့်ကို ပြန်လည်ကူးယူ ဖြန့်ဝေသူတွေလည်း အများအပြား ရှိနေပါတယ်။ ကရင်အမျိုးသား ကာကွယ်ရေးအဖွဲ့ (KNDO)ရဲ့ အထူးကွန်မန်ဒို တပ်ရင်းမှူး ဗိုလ်စောစလုံး […]

ဧပြီလအတွင်း တွေ့ရှိရသည့် သတင်းတု/မှားများ

May 3, 2022

အာဏာသိမ်းစစ်ကောင်စီသည် ယင်းတို့ မြန်မာနိုင်ငံအား ငြိမ်ဝပ်ပိပြားစွာ အုပ်ချုပ်နိုင်သည်ဟု ပုံဖော်အထင်မှတ်စေရန် ပုံဖော်လေ့ရှိသည်။ ဧပြီလတွင် ကျင်းပသည့် မြန်မာရိုးရာ သင်္ကြန်ပွဲတော်တွင် ယင်းတို့ ဦးဆောင်ကျင်းပသည့် သင်္ကြန်ပွဲတော် စည်ကားသယောင် အထင်မှတ်စေရန်အတွက် တာဝန်ထမ်းဆောင်ဆဲ ဝန်ထမ်းများအား ရေကစားမဏ္ဍပ်သို့ မဖြစ်မနေ လာရောက် ရေကစားကြရန် ဖိအားပေးမှုများနှင့် ရေကစားသည့် ပုံစံတူကားများကိုသာ ယင်းတို့ မဏ္ဍပ်တဝိုက်တွင် လှည့်ပတ်နေစေခဲ့သည် ကို သတင်းမီဒီယာ အသီးသီး၏ ဖော်ပြချက်များ အရ တွေ့ရှိရသည်။ အဆိုပါကဲ့သို့ ပုံဖော်မှုများကို မြေပြင်ဖြစ်စဉ်များသာမက ဖေ့ဘွတ်ခ်တွင်လည်း ပုံဖော်ခဲ့ကြသည်။ ၎င်းတို့၏ ဝါဒဖြန့်ဖေ့ဘွတ်ခ်အကောင့်များ၊ ဂရုများနှင့် ပေ့ချ်များမှ ပုံအဟောင်းများ, ဗွီဒီယိုဖိုင်အဟောင်းများကို ပြန်လည်အသုံးပြု၍ သတင်းတု ဖြန့်ဝေခဲ့ကြသည်။ အာဏာသိမ်းစစ်ကောင်စီဦးဆောင်ကျင်းပသည့် သင်္ကြန်ပွဲတော်ကို ပူးပေါင်းပါဝင်ခြင်းမပြုရန် တော်လှန်ရေးအင်အားစု အသီးသီးမှ ကြေငြာချက်များ ထုတ်ပြန်ခဲ့သလို […]

ပုဂံမှာ ဗုံးကွဲလို့ ဘုရားတချို့ ပြိုကျပျက်ဆီးနိုင်တယ်ဆိုပြီး အမျိုးသားရေးလှုပ်ရှားသူတွေ ဖြစ်စဥ်မှန်ကို လိုသလိုချဲ့ကားဖြန့်ဝေနေ

April 26, 2022

တွေးပြီးမှယုံ မြန်မာ့ ရှေးဟောင်းယဥ်ကျေးမှုနယ်မြေဖြစ်တဲ့ ပုဂံမြို့၊ မဟာဓမ္မရာဇိကဘုရားနားမှာ ဗုံးကွဲလို့ ဘုရားအချို့ ပြိုကျပျက်ဆီးနိုင်တယ်ဆိုတဲ့ ဖြစ်စဥ်အမှန်ကို လိုသလို ချဲ့ကားရေးထားတဲ့ သတင်းတခုကို အမျိုးသားရေး လှုပ်ရှားသူတွေ၊ တပ်ထောက်ခံသူတွေ ဖြန့်ဝေနေကြပါတယ်။ ဒီသတင်းကို Phyoeko Lin ဆိုတဲ့ အကောင့်တခုကနေ စတင်ထားပြီး စာထဲမှာဆိုရင် “ပုဂံတွင် ဗုံးကွဲ၊ မန္တလေးတိုင်းဒေသကြီး ပုဂံရှိ မဟာဓမ္မရာဇကဘုရားအနီးတွင် လွန်ခဲ့သော တနာရီခန့်ကဗုံးကွဲခဲ့ပြီး ဗုံး၏ပြင်းအားကြောင့်ဘုရားအချို့ ပြိုကျပျက်ဆီးနိုင်ဟု ဒေသခံတဦးမှ ရေးသားဖော်ပြထား” ဆိုပြီး ညွှန်းထားပါတယ်။ ဒီသတင်းကိုပဲ ဗုဒ္ဓဘာသာကလျာနယုဝအသင်း – YMBA နာမည်ပြောင်း ဗုဒ္ဓဘာသာအမျိုးသားရေးစာမျက်နှာ လို အမျိုးသားရေး လှုပ်ရှားတဲ့ အဖွဲ့တွေကနေ ဆက်လက်ဖြန့်ဝေနေပြီး တော်လှန်ရေးအင်အားစုတွေကို ဗုဒ္ဓဘာသာအမွေအနှစ်တွေကို ဖျက်ဆီးနေသူတွေဆိုပြီး ပုံဖော် နှပ်ကြောင်းပေးထားတဲ့ သုံးသပ်ချက်တွေကိုလည်း ဆက်လက်ဖော်ပြနေကြပါတယ်။ တွေးပြီးမှယုံ […]

ယခင်နှစ်တွေက ပုံတွေကို ပြန်သုံးပြီး အာဏာသိမ်း စစ်တပ်က ကျင်းပတဲ့သင်္ကြန် စည်ကားနေသယောင် သတင်းတုဖြန့်နေ

April 14, 2022

၂၀၁၇ နဲ့ ၂၀၁၈ ခုနှစ်တွေဆီက မန္တလေးမြို့တော်ဝန် သင်္ကြန်မဏ္ဍပ် နဲ့ ရန်ကုန်မြို့တော်ဝန်သင်္ကြန်မဏ္ဍပ်တွေက ပုံတွေသုံးပြီး ယခုနှစ် အာဏာသိမ်းစစ်တပ်က ကျင်းပပေးတဲ့ သင်္ကြန် စည်ကားနေသယောင် ဖြန့်ဝေထားတဲ့ သတင်း တခုပြန့်နှံ့နေပါတယ်။ ဒီသတင်းကို ဟစ်တိုင် – အွန်လိုင်းသတင်းဌာန နာမည်နဲ့ ဖေ့ဘွတ်ခ်ပေ့ချ် တခုကနေ ဖြန့်ဝေထားပြီး မန္တလေးမြို့တော်ဝန် သင်္ကြန်မဏ္ဍပ် စည်ကားသိုက်မြိုက်စွာကျင်းပ ဆိုပြီး ဖြန့်ဝေထားပြီး ပြန်လည်မျှဝေသူပေါင်း ၄၅၀ ရှိပါတယ်။ အလားတူ ပဲ ရန်ကုန်မြို့တော်ဝန်သင်္ကြန်မဏ္ဍပ်ဆိုပြီး ဖြန့်ဝေထားတဲ့ သတင်းမှာလည်း ပြန်လည်မျှဝေသူပေါင်း ၁၈၂၈ ဦးအထိ ရှိနေပါတယ်။ ဒီသတင်းဓါတ်ပုံတွေနဲ့ ပတ်သက်လို့ တွေးပြီးမှယုံကနေ ဓါတ်ပုံတွေ ထပ်တူပြုစစ်ဆေးတဲ့ Google Reverse Image အသုံးပြုပြီး စစ်ဆေးကြည့်ရာမှာတော့ ဓါတ်ပုံအဟောင်းတွေကို ပြန်သုံးပြီး သတင်းတု […]

ပုံအဟောင်းတွေနဲ့ ဗွီဒီယိုတွေကို ပြန်သုံးပြီး ယခုနှစ်သင်္ကြန် စည်ကားသယောင် ဖြန့်ဝေမှုတွေကို စစ်ကောင်စီထောက်ခံသူတွေ ဖြန့်ဝေနေရ

April 14, 2022

ပြည်သူအများစု ပူးပေါင်းပါဝင်တာမရှိပဲ ခြောက်ကပ်နေတဲ့အာဏာသိမ်းစစ်တပ်ရဲ့ သင်္ကြန်ပွဲတွေ စည်ကားနေသယောင် ဖြန့်ဝေမှုတွေဟာ ဆက်တိုက် ပြန့်နှံ့လာနေပါတယ်။ အခုဆိုရင်လည်း Ny Lynn Oo နံမည်နဲ့ ဖေ့ဘွတ်ခ် အကောင့်တခုကနေ ပြီးတော့ (မနေ့) ၁၃ရက်နေ့ သင်္ကြန်အကြိုနေ့ ညပိုင်းမှာ သင်္ကြန်ဆိုတဲ့ ဗွီဒီယိုဖိုင် တခုကိုဖြန့်ဝေခဲ့ပါတယ်။ ဖြန့်ဝေမှုမှာဆိုရင် “ဒါမနက်ခင်းပွဲနော် ပန်ဆယ်လို တော့သွားမပြနဲ့ အစိတောင်လွန်ရင်သေတတ်တယ် ”(မူရင်းအရေးအသား) ဆိုပြီး ဖော်ပြထားပါတယ်။ ဒီသတင်းကို လိုက်ခ် ပြုလုပ်သူ ၄၂၀၀ကျော်နဲ့ ပြန်လည်မျှဝေသူပေါင်း ၁၁၄၁ယောက်ရှိနေပြီဖြစ်ပါတယ်။ သတင်းရဲ့Commentမှာလည်း ဝင်ရောက်မှတ်ချက်ပြုသူများက နေရာကိုမေးတဲ့အခါမှာ တိတိကျကျဖော်ပြထားတာမျိုးမရှိဘဲ Private Hotel တခုခုမှာဖြစ်ကြောင်း ပြန်လည်ရေးသားထားတာတွေ့ရပါတယ်။ ဒီသတင်းနဲ့ ပတ်သက်လို့ တွေးပြီးမှယုံကနေ အချက်အလက်စစ်ဆေးခဲ့ရာမှာတော့ အခုနှစ်က ဗွီဒီယိုဖိုင် မဟုတ်ဘဲ အရင်နှစ် ၂၀၁၉, ခုနှစ်တုန်းက […]

မတ်လအတွင်း တွေ့ရှိခဲ့သော သတင်းတု/မှား များ

April 7, 2022

မတ်လ အတွင်း သတင်းတု/မှား များနှင့် ပတ်သက်၍ လေ့လာစောင့်ကြည့်မှုများအရ ပြည်သူ့ကာကွယ်ရေးတပ်ဖွဲ့များ – PDF, ဒေသခံကာကွယ်ရေးတပ်များ – LDF များအား ပစ်မှတ်ထားတိုက်ခိုက်မှုများကို အများအပြားတွေ့ခဲ့ရသည်။ သတင်းတုများသည် အဓိကအားဖြင့် PDF, LDF များသည် အရပ်သားများအပေါ် အကြမ်းဖက်တိုက်ခိုက်သူများ၊ ဗုဒ္ဓဘာသာဘုန်းကြီးများအား သတ်ဖြတ်၍ ဗုဒ္ဓဘာသာကို ဖျက်ဆီးနေကြသူများအဖြစ် ပုံဖျက်တိုက်ခိုက်ခဲ့ကြခြင်းဖြစ်သည်။ ယင်းအပြင် အာဏာသိမ်းစစ်တပ်မှ လူနေကျေးရွာများကို မီးရှို့ဖျက်ဆီးနေမှုများနှင့် အရပ်သားပြည်သူများအပေါ် ပစ်မှတ်ထားတိုက်ခိုက်မှုများကိုလည်း PDF များ၏ လက်ချက်ဟု သမုတ်၍ ဖြန့်ဝေမှုများ ရှိနေသည်။ သို့သော် တချို့သော ဖြစ်စဉ်များတွင်မူ လွတ်လပ်သည့် မီဒီယာများ၏ ဖော်ပြချက်များနှင့် ဖြစ်ခင်းမှ ဒေသခံများနှင့် မေးမြန်းအင်တာဗျူးများကို အခြေခံ၍ ဖြစ်စဉ်အမှန်ကို သိရှိနိုင်သော်လည်း ကရင်ပြည်နယ်၊ မြဝတီ – ကော့ကရိတ် […]

စစ်ကောင်စီတပ်တွေ အကျအဆုံးများနေတဲ့ မြဝတီ အာရှလမ်းပေါ်က တိုက်ပွဲတွေနဲ့ ပတ်သက်လို့ ထိုင်းနိုင်ငံအစိုးရကနေ KNU ကို သတိပေးဆိုတဲ့ သတင်းတု

April 5, 2022

လတ်တလောကာလမှာ တိုက်ပွဲတွေ ပြင်းထန်လာနေတဲ့ မြဝတီ – ကော့ကရိတ်လမ်းကြော က အာရှလမ်းမကြီးပေါ်မှာ ကရင်အမျိုးသားအစည်းအရုံး – KNU နဲ့ အာဏာသိမ်း စစ်ကောင်စီကြားက တိုက်ပွဲတွေ ဖြစ်နေတာနဲ့ ပတ်သက်ပြီး ထိုင်းအစိုးရကနေ KNU ခေါင်းဆောင်တွေကို သတိပေးလိုက်တယ်ဆိုပြီး သတင်းတု တခုပြန့်နှံ့နေပါတယ်။ ဒီသတင်းကို လင်းနေ #PVN ဆိုတဲ့ ရင်းမြစ်တခုကို ကိုးကားပြီး အများအပြား ကူးယူဖော်ပြနေကြတာကို တွေ့ရပါတယ်။ သတင်းမှာဆိုရင် “KNU ဥက္ကဌနဲ့ ခေါင်းဆောင်တွေကို ထိုင်းအစိုးရက မဲဆောက်မြို့မှာ ခေါ်တွေ့ပြီး အာရှလမ်းက တိုက်ပွဲတွေနဲ့ ပတ်သက်ပြီး ရပ်တန့်ရန်နှင့် အကြမ်းဖက်အဖွဲ့အဖြစ် သတ်မှတ်သွားမည်ဖြစ်ကြောင်း၊ NCA လမ်းစဥ်အတိုင်း သွားရန် လိုအပ်ကြောင်း” စသဖြင့် ထိုင်းဘာသာ၊ မြန်မာဘာသာတွေနဲ့ ဖော်ပြထားပါတယ်။ ဒီသတင်းနဲ့ ပတ်သက်လို့ […]

ပုံအ​ဟောင်း​တွေ ပြန်သုံးပြီး ချမ်း​မြေ့​မောင်ချိုနဲ့ အိန္ဒြာ​ကျော်ဇင်တို့ တပ်မ​တော်​နေ့ အခမ်းအနားတက်​​​ရောက် လို့ သတင်းတုဖြန့်

March 28, 2022

မ​နေ့(၂၇.၃.၂၀၂၂) က ကျင်းပခဲ့တဲ့ တပ်မ​တော်​နေ့ အခမ်းအနားကို အနုပညာရှင်​တွေ ဖြစ်တဲ့ ချမ်း​မြေ့​မောင်ချိုနဲ့ အိန္ဒြာ​ကျော်ဇင်တို့ တက်​ရောက်ခဲ့ကြတယ်ဆိုပြီး ၂၀၁၉ ခုနှစ်က ပုံ​တွေကို ပြန်သုံးထားတဲ့ သတင်းတု တခုပြန့်နှံ့​နေပါတယ်။ ဒီသတင်းကို Aung Myat Thu နံမည်နဲ့ ​ဖေ့ဘွတ်ခ်အ​ကောင့်တခုက​နေ စဖြန့်ခဲ့တာဖြစ်ပြီး ပြန်လည်မျှ​ဝေသူ​ပေါင်း ၃၁၂ ဦးထိ ရှိ​နေပါတယ်။ ဒါအပြင် ပုံနဲ့စာကိုပဲ ထပ်ဆင့်ကူးယူ​ဖော်ပြ​နေသူ​တွေလည်း အများအပြားရှိ​နေပါတယ်။ တင်ထားတဲ့ အ​ရေးအသားမှာဆိုရင်လည်း “နင်… နင်တို့ လုပ်ရက်လိုက်တာ၊ ​မောင်ချိုနဲ့ အူဝဲရာ” စသဖြင့် ​လှောင်​ပြောင်ပြီး ​ဖော်ပြထားပါ​သေးတယ်။ ဒီ သတင်းနဲ့ ပတ်သက်လို့​ ​​တွေးပြီးမှယုံက​နေ အချက်အလက် စစ်​ဆေးခဲ့ရာမှာ​တော့ ၂၀၁၉ ခုနှစ်က ချမ်း​မြေ့​မောင်ချို ကိုယ်တိုင်တင်ထားခဲ့တဲ့ ဓါတ်ပုံကို ပြန်သုံးပြီး တင်ထားတာ ​တွေ့ရပါတယ်။ […]